ഇലക്ട്രിക് സ്‌കൂട്ടറുകള്‍ ഇന്ത്യന്‍ നിരത്തുകളില്‍ സജീവമായി തുടങ്ങിയെങ്കിലും വില അൽപം കൂടുതലാണെന്ന പരാതി പലർക്കുമുണ്ട്. കൂടുതൽ റേഞ്ചുള്ള ഒരു മോഡൽ സ്വന്തമാക്കണേൽ ഒരു ലക്ഷം അല്ലെങ്കിൽ അതിനു മുകളിൽ മുടക്കേണ്ടി വരും. എന്നാൽ പല സംസ്ഥാനങ്ങളും ഇവികൾക്ക് അകമഴിഞ്ഞ് സബ്സിഡികൾ നൽകുന്നുമുണ്ട്.
എന്നാൽ ചില പരിഷ്ക്കാരങ്ങളോടെയാണ് ഇത്തവണ കൊമാകി XGT-X1 വിപണിയിൽ അവതരിപ്പിച്ചിരിക്കുന്നത്. മോഡലിന്റെ ജെൽ ബാറ്ററി പതിപ്പിനായി 45,000 രൂപ മാത്രമാണ് മുടക്കേണ്ടത്. അതേസമയം ലിഥിയം അയൺ ബാറ്ററി ഉള്ള വേരിയന്റിനായിഏകദേശം 60,000 രൂപയും ചെലവഴിക്കേണ്ടി വരും.
കൊമാകി XGT-X1 മോഡലിന്റെ 25,000 യൂണിറ്റുകൾ ഇതുവരെ വിറ്റതായാണ് കമ്പനി അവകാശപ്പെടുന്നത്. ഇലക്ട്രിക് സ്കൂട്ടറിന്റെ താങ്ങാനാവുന്ന ഘടകമാണ് വിപണിയിൽ ഈ നേട്ടം കൈവരിക്കാൻ സഹായിച്ചതെന്നും ബ്രാൻഡ് പറയുന്നു. അതേസമയം അതിന്റെ ശൈലിയും പ്രകടന യോഗ്യതയും മികച്ചതാണെന്ന ഘടകവും ഇതിനു അടിവരയിടുന്നുണ്ട്.
>>പെട്രോൾ ബൈക്കുകൾ ഇനി ഈസിയായി ഇവികളാക്കാം; ആദ്യ RTO അംഗീകൃത 2-വീലർ ഇലക്ട്രിക് കൺവെർഷൻ കിറ്റ്
>>ഈ സംസ്ഥാനങ്ങളിൽ ഓല ഇലക്ട്രിക്ക് സ്കൂട്ടറുകൾക്ക് വില കുറവ് , കേരളത്തിൽ കൂടുതൽ
ഇ-മോഡിൽ കൊമാകി XGT-X1 ഒരു മുഴുവൻ ചാർജിലും 120 കിലോമീറ്റർ വരെ റേഞ്ചാണ് വാഗ്ദാനം ചെയ്യുന്നത്. കൂടാതെ സമന്വയിപ്പിച്ച ബ്രേക്കിംഗ് സിസ്റ്റവും നല്ല വലിപ്പത്തിലുള്ള BIS വീലുകളും ഈ ഇലക്ട്രിക് സ്കൂട്ടറിന്റെ പ്രത്യേകതയാണ്. കൂടാതെ വലിയ സീറ്റിംഗ് രണ്ടുപേർക്ക് സുഖകരമായ യാത്രയും വാഗ്ദാനം ചെയ്യുന്നുണ്ട്.
മാത്രമല്ല ഉയർന്ന അണ്ടർ സീറ്റ് സ്റ്റോറേജും കൊമാകിയുടെ XGT-X1 ഇലക്ട്രിക് സ്‌കൂട്ടറിനെ കൂടുതൽ പ്രായോഗികമാക്കുന്നുണ്ട്. ഐക്യു സിസ്റ്റം എന്ന് വിളിക്കുന്ന ഒരു സാങ്കേതിക സവിശേഷതയും മോഡലിൽ കമ്പനി ഉപയോഗിക്കുന്നുണ്ട്. ഇത് ഡാഷ് ഡിസ്പ്ലേയെ സഹായിക്കുന്നു. മികച്ച മൾട്ടിപ്പിൾ സെൻസറുകൾ ഉപയോഗിച്ച് വയർലെസ് അപ്‌ഡേറ്റ് ചെയ്യാവുന്ന സവിശേഷതകളും വാഹനത്തിലുണ്ട്.
കൂടാതെ എന്തേലും പ്രശ്നങ്ങളുണ്ടായാൽ ഇത് സെൽഫ് ഡയഗ്നോസിലൂടെ പരിഹാരവും കണ്ടെത്തും. ഒരു ഇലക്ട്രിക് വാഹനത്തിന് ഏറ്റവും പര്യാപ്‌തമായ മറ്റൊരു ഘടകമാണ് വാറണ്ടി. അതിനാൽ തന്നെ കൊമാകി തങ്ങളുടെ സ്‌കൂട്ടിന്റെ ലിഥിയം അയൺ ബാറ്ററികളിൽ ഒരു വർഷത്തെ സർവീസ് വാറണ്ടി ഉൾപ്പടെ മൊത്തം മൂന്നു വർഷത്തെ വാറണ്ടിയാണ് കമ്പനി നൽകുന്നത്.
>>ഗംഭീര ലുക്കിൽ TVS ഇലക്ട്രിക്ക് സ്കൂട്ടറുകൾ എത്തുന്നു
>>ഇലക്ട്രിക്ക് വാഹനങ്ങൾക്ക് സബ്സിഡി ഒരുക്കാൻ സർക്കാർ
എന്നാൽ ലീഡ് ആസിഡ് ബാറ്ററിയിൽ ഒരു വർഷത്തെ വാറണ്ടിയാണ് കൊമാകി വാഗ്ദാനം ചെയ്യുന്നത്. കൊമാകി നിരയിലെ ഓരോ വാഹനവും ഗുണനിലവാരത്തിന്‍റെ അടിസ്ഥാനത്തിൽ നിരവധി പരിശോധനകൾക്ക് വിധേയമാണെന്ന് കമ്പനി അധികൃതർ പറയുന്നു.
മറ്റ് വില കുറഞ്ഞ ഇലക്ട്രിക് മോഡലുകളുടെ ഏറ്റവും പ്രധാന പോരായ്‌മയാണ് കുറഞ്ഞ റേഞ്ച്. എന്നാൽ ഇത്രയും വില കുറവിൽ 120 കിലോമീറ്റർ വരെ കൊമാകി വാഗ്ദാനം ചെയ്യുന്നത് വരും ദിവസങ്ങളിൽ വിൽപ്പനയെ ഏറെ സഹായിക്കും.
>>ഇലക്ട്രിക്ക് സ്കൂട്ടർ രംഗത്ത് വിപ്ലവം സൃഷ്ടിക്കാനൊരുങ്ങി ഹീറോ മോട്ടോർ കോർപ്
>>ഒരു പെട്രോൾ ബൈക്കിനെ എങ്ങിനെ ഒരു ഇലക്ട്രിക്ക് ബൈക്ക് ആക്കി മാറ്റാം
100 കടന്ന് പെട്രോൾ വില കുതിക്കുമ്പോൾ ഇതര എഞ്ചിൻ വാഹനങ്ങളിലേക്ക് ആളുകൾ മാറി തുടങ്ങിയിട്ടുണ്ട്. പ്രത്യേകിച്ച് ദൈനംദിന യാത്ര മാർഗങ്ങൾക്കായി ഇലക്ട്രിക് മോഡലുകളിലേക്കാണ് ഉപഭോക്താക്കൾ ചേക്കേറുന്നത്. കേന്ദ്ര സർക്കാർ ഫെയിം II സബ്സിഡികൾ പ്രഖ്യാപിച്ചതോടെ ഇലക്ട്രിക് ഇരുചക്ര വാഹനങ്ങളുടെ വില കുറഞ്ഞതും ആളുകളെ ആകർഷിക്കുന്നുണ്ട്.
കേരളം, ഗുജറാത്ത്, കർണാടക, പശ്ചിമ ബംഗാൾ എന്നിവിടങ്ങളിലെ ഡീലർഷിപ്പുകൾ വഴി കൊമാകി ഇതിനകം തന്നെ രാജ്യത്ത് ശക്തമായ സാന്നിധ്യം അറിയിച്ചിട്ടുമുണ്ട്. ഒരു കൊല്ലം മുമ്പാണ് രാജ്യത്ത് വിൽ‌പന ആരംഭിച്ചതെങ്കിലും 2021 ഓടെ 14,500-ൽ അധികം വാഹനങ്ങൾ നിരത്തിലെത്തിക്കാൻ ബ്രാൻഡിന് സാധിച്ചിട്ടുമുണ്ട്.
ഡല്‍ഹി ആസ്ഥാനമായി പ്രവർത്തിക്കുന്ന ഇവി സ്റ്റാര്‍ട്ടപ്പായ കൊമാകി രാജ്യത്തെ ഇരുചക്ര വാഹന വിഭാഗത്തിൽ ഇതിനോടകം തന്നെ ശക്തമായ സാന്നിധ്യമാണ് അറിയിച്ചിരിക്കുന്നത്. ഇലക്ട്രിക് സെഗ്മെന്റിൽ സ്മാർട്ട് സ്കൂട്ടർ, ഹൈ-സ്പീഡ് സ്കൂട്ടർ, ഇലക്ട്രിക് സ്കൂട്ടർ, ഇലക്ട്രിക് മോട്ടോർസൈക്കിൾ എന്നീ വ്യത്യസ്‌ത മോഡലുകളും അവതരിപ്പിച്ചിട്ടുണ്ട്.
XGT-KM, XGT-X-ONE, XGT-X2 VOGUE, XGT-X3, XGT-X4, XGT-CHARGE, XGT-CLASSIC, XGT-VP, MX-3, XGT CAT-2.0, XGT-X5 എന്നീ മോഡലുകളാണ് സ്മാർട്ട് സ്കൂട്ടർ ശ്രേണിയിൽ കൊമികി അവതരിപ്പിച്ചിരിക്കുന്നത്. അതേസമയം ഹൈ-സ്പീഡ് സ്കൂട്ടർ സെഗ്മെന്റിൽ TN-95, M-5, SE എന്നിവയും ഉൾപ്പെടുന്നു.
സൂപ്പർ ഡീലക്സ്, ഫുള്ളി ലോഡഡ് സൂപ്പർ ഡീലക്സ് എന്നീ രണ്ട് ഇലക്ട്രിക് ഓട്ടോറിക്ഷകളും കൊമാകി രാജ്യത്ത് വാഗ്ദാനം ചെയ്യുന്നു. വരും വർഷങ്ങളിൽ ഡീലർഷിപ്പ് ശൃംഖല വർധിപ്പിക്കാനും കമ്പനിക്ക് പദ്ധതിയുണ്ട്.
Post a Comment